*Greece rama tuilian ah mi 10 chuang an thi:
Austria rama honeymoon hmang mek nupa pakhat chu Greece ramah ruahsur nasa tak avangin tuilian nasa tak a thlen avangin an chin hriat lohin an awm. Emergency service-te chuan an nupa leh midang eng emaw zat chu central Greece-ah an zawng mek a, tuilian vangin khaw hrang hrang tuiah a pil tawh a ni. Thlipui Daniel hian tun kar chhung khan Greece, Turkey leh Bulgaria te a nghawng a, mi 10 chuang an thi nia hriat a ni. Austrian nupa hian honeymoon neihna atana an rent bungalow-ah inhumhimna an zawng a, mahse Mount Pelion bula Potistika-a in chu tuilianin tuipuiah a nuai bo a ni. In luahtu leh mikhual dangte hnen aṭangin hmun sang zawka insawn turin thurawn pe mah se, an nupa hi an chhungah an awm reng a ni. Greek fire brigade hian he hmunah hian zawn leh chhanchhuah hna an thawk mek a, nupa tharte hi zawn chhuah tumin hma an la mek a ni. Greece rama bial ṭhenkhatah chuan tun hnai khan ruahtui 800mm (inches 31.5) thleng a sur a, hei hian infrastructure a tichhia nasa hle a, mipuite chu an chenna inah an tangkhang a ni. Khaw lum lutuk hian Athens, Skiathos, Volos, leh Pelion te pawh a nghawng a ni. Climate scientist-te chuan khawvel lum chhoh zel hian tui a vawt tam avangin thlasik thlipui nasa zawk a thlen niin an vaukhân.