*Libya khawpui Derna khua a chhiatna thleng tam tak chu khawpui bula tuikhuah ngaihthah a nih vang nia tarlan a ni:
Storm Daniel thli tleh lai a tuikhuah pahnih chim hnua Libya khawpui Derna-a thil rapthlak tak thleng hi hun rei tak chhunga mihringte ngaihsak lohna leh khawpui infrastructure ngaihthah vang nia sawi a ni. He ngaihsak lohna hi Muammar Gaddafi-a kum 42 chhung rorelna aṭanga Derna-in a dodalna avanga hrem a nih aṭanga intan a ni a, hei vang hian school leh damdawi-in ang chi service pawimawh tak takte chu a chhe vek a ni. Kum 2011 revolution hnuah pawh khawpui hian damdawi in hnathawk theih loh a tuar chhunzawm zel a ni. Thlipui tleh hma hian Derna hian damdawi in hnathawk thei pakhat mah a nei lo a, makeshift medical facility din a ngai hial a ni.
Thlipui tleh laia tuikhuah enkawl ṭha lote a chim avangin boruak a chhe zual hle. Tuikhuah te hi Enkawlna atanga a lan dan chuan, lungpui (rockfill structure) hmanga siam niin, concrete a siam tuikhuah aiin a nghet lo zawk a, overtopping pawh a hlauhawm hle. Tuikhuah chhung zawk hi overtopping vangin a chhiat hmasak ber a rinawm a, chumi hnua khawpui a tuilianin tuikhuah pahnihna a chim avang a he chhiatna hi thleng ni a tarlan a ni.
Tuilian rapthlak tak avang hian he biala mi 34,000 chuangte chuan an chenna in an chhuahsan tawh a, clinic leh damdawi in tam takah mimal hliam tuar an thahnem hle. Infrastructure leh kawngpui chhiat avangin tanpuina hna thawh a tikhawtlai a. Kum 2011-a Gaddafi paihthlak a nih hnuah Libya hian politics lama inthliarna a tawk nasa hle a, hei hian chhawmdawl hna thawh chu a ti buai zual hle. Chuti chung pawh chuan, politics lama inthliarna hrang hranga inpumkhatna entir na ṭhenkhat chu politics lama inelna neitute’n chhiatna thlengte chhanletna atana thawhhona an neih a ngaih avangin a lo lang chhuak a ni.https://youtu.be/bwP3QXewQhw