*SIKKIM a tuilian vangin India sipai 23 vel an bo:
Sikkim hmarchhak state-a ruah sur vangin tuilian nasa tak a thlen a India sipai mi 23 vel chu chin hriat lohin an bo niin official-te chuan an sawi.
He t il thleng hi state chhim lama lui pakhat upstream-ah a thleng a, hei vang hian Lachen Valley-a Teesta luiah tui a sang hle a ni.
A bul hnaia tuikhuah aṭanga luiah tui tam zawk chhuah a nih hnuah boruak hi a chhe zual hle a.
Official-te chuan sipai lirthei ṭhenkhat chu slush hnuaiah hian an pil tih an sawi.
Search and rescue operation kalpui a ni tawh a, thu belhchian dawl zawk kan nghak mek tiin India defence ministry chuan BBC a hrilh.
State chhung hmun dangah pawh chhanchhuah hna thawh mek a ni a, veng pumpui tuilianin a chim a, chenna in a tichhia a, mipuite chu hmun dangah an tlanchhiat phah a ni.
Hmarchhak bial leh state dangte thlunzawmna kawngpui pahnih chu tuiin a chim a, hei hian transport service nasa takin a nghawng a ni.
Himalayan state-ah hian tuilian leh thilsiam chhiatna thleng a tam hle a. Nikum khan state chhunga tuilian nasa tak avangin mi sang tam takin chenna in an chhuahsan a, mi 24 an thi a ni.