*Trump chuan a chunga 14th Amendment case chu federal court-ah sawn turin a ngen:
President hlui Donald Trump chuan 14th Amendment Section 3 hnuaia Colorado ballot-a a tel loh tumna thubuai chu state court aṭangin federal court-ah sawn turin a ngen a. Notice of removal-ah hian primary election hnaih hmaa Trump-a constitutional eligibility chu rang taka tihfel a nih theih nan mipui ngaihvenna hmanhmawh tak a awm tih a sawi bawk.
Colorado Secretary of State Jena Griswold-i office chuan truumpa chu a chhang let a, state court-te chu 14th Amendment zawhnate chhanna atan an inpeih hle tih sawiin, dan anga duhthlan tur an dap mek tih a sawi.
He thubuai hi 14th Amendment Section 3-ah a innghat a, hei hian vantlang official-te chu United States laka helna an nei emaw, Congress vote hmun thuma ṭhena hmun hnih-a ngaihdamna pek an nih loh chuan a hmelmate ṭanpuina an pek emaw a nih chuan thuneihna chang thei lo tura tih a ni. Advocacy group-te chuan Trump-a’n kum 2020 inthlan hnua a thiltih dante chuan heng tehfungte hi a tlin niin an sawi a, mahse Trump hian thil dik lo a tih loh thuin a hnial thung.
Colorado vote neitute aiawha thubuai thehluttu, Citizens for Responsibility and Ethics in Washington (CREW) chuan he thubuai hi court-a thuneihna pek theihna tur motion thehluh thuai an tum.
CREW hmalakna ah ram puma mimal leh pawl hrang hrangte’n state hrang hranga Trump-a candidate nihna dodalna tura hmalakna zau zawka tel a ni . Hemi chungchanga Trump-a ukil pakhat chu Scott Gessler a ni a,scott gessler hian kum 2011 aṭanga 2015 thleng khan Colorado secretary of state hna a chelh tawh a ni.