*Russia missile hmanga beihpui thlaknaah foreign aid worker pahnih an thi:
Ukraine ram missile hmanga beih a nih avangin foreign aid volunteer pahnih an thi a, midang pahnihin hliam an tuar bawk. Road to Relief NGO chuan Bakhmut lam pana lirthei pakhat chu “Russian beihna” tia an sawiah Anthony Ihnat, Canada mi leh Spanish hmeichhia an thi niin an tarlang. NGO director, Emma Igual chu a bo nia report a ni bawk a an chuanna lirthei chu missile in a kah fuh avang in a puak a ni. German volunteer Ruben Mawick leh Swedish volunteer Johan Mathias Thyr te chu hliam tuar in an dinhmun a ṭha lo hle. Volunteer-te hian Ivanivske khawpuia crossfire-a man civil mite mamawh an zirchiang a ni. Ukraine hmar lam chu chhawmdawl hna thawktute tan a hlauhawm zual hle a, kumin chhung hian venhimna lama thil tam tak a thleng a ni. Kum 2023 khan Ukraine-ah hian ṭanpuina thawktu paruk vel an thi a, hei hian he biala mihring puihna petute’n hlauhawm an tawh dan a tarlang a ni.