*Trump co-defendant tam takin Fulton County-a plea deal chungchang sawihona an nei:
President hlui Donald Trump nena inzawm Fulton County election interference case-a co-defendant eng emaw zat chuan plea deal offer dawn chungchang leh, District Attorney office-in deal awm thei chungchangah sawihona an nei a. Kar hmasa khan defendant 19 zinga pakhat Scott Hall chuan plea deal a pawm a ni. Hall hi Coffee County, Georgia-a vote thlakna machine hmanrua tihchhiat tumna scheme-a inhnamhnawih nia sawi a ni a, misdemeanors panga a tih thu a sawi a, kum nga chhung hrem theih a nia . He mi bakah hian $5,000 chawitir a ni bawk ang a, a thil tih vang hian darkar 200 chhungin khawtlang rawngbawlna a thawk zo ang a, Georgia mipuite hnenah ngaihdam dilna lehkha a ziak bawk dawn a ni.
Fulton County District Attorney office chuan heng thil thleng chungchangah hian engmah a la sawi lo thung. Trump leh he thubuaia puh dang 18-te hian kum 2020-a Georgia-a president thlanna result tihdanglam an tum nia sawi chungchangah racketeering thubuai siamsak an nih thu an sawi a, Trump chuan a thiltih hi dan anga kalpui a nih thu leh chhui chianna hi politics thila tih a nih thu a sawi chhunzawm zel a ni.