*Manipur-a ngaihdan inang political party 10-te chuan manipur state a remna a thlen theih loh avangin sawrkar laipui chungah an lungawi loh thu an sawi:
Manipur-a ngaihdan inang political party 10-te chuan he biala buaina chhuak mek hi remna zawnga chinfelna an hmuh theih loh avangin state leh sorkar laipui pahnihte chungah an lungawi loh thu an sawi. Remna a awm leh hma loh chuan thawhho an tum thu an sawi nawn leh a, remna zawnga kawngzawh chhunzawm zel an tum bawk. Party-te hian resolution eng emaw zat an siam a, heng zingah hian hnam inkara tharum thawhna thlenga thil sual tihte chhui chian a phut te, mipui ngaihtuahna avanga nawrh huaihawt te, Manipur-a inremna siam leh remna nghet tak a awm theih nan sorkarin stakeholder zawng zawngte nena inbiakna neihpui turin an phut bawk.
Congress Legislature party kaihruaitu, Chief Minister hlui Okram Ibobi Singh chuan sorkar pahnihte chu he harsatna hi thla nga chhung a daih chung pawhin thinlung takin an hmachhawn lo niin a sawi State chhunga Article 355 hman chungchangah chiang taka a awm loh avangin a lungawi loh thu a sawi a, Manipur chu sorkar laipui emaw, a aiawh thlan bikte’n direct-a an thunun em tih zawhna a siam bawk. Ibobi hian state sorkar chu dan leh thupek a enkawl dan te, central force-te dah luh dan te, relief camp aṭanga raltlante sawn chhuah dante a sawisel bawk a ni.